నమస్తే సార్! అవును సార్ మిమ్మల్ని చూసి చాలాకాలం అయ్యింది అన్నాను. తన ఆప్యాయతలో ఏమాత్రం తగ్గని ప్రేమని చూసి మన జనరేషన్ లో ఇలాంటివాళ్ళు కరువేకదా అనిపించింది.
ఇక్కడ విఠల్ సార్ గురించి రెండు మాటలు చెప్పాలి. తను మా చిన్నప్పుడు హైస్కూల్ లో టీచర్ గా చేసే వారు. కాళీ సమయాలలో చిన్నపాటి పత్రికని నడిపేవారు. అంతేకాదు, పోలీస్ స్టేషన్ లో ఒక గంట పాటు కూర్చొని పోలీసులతో పిచ్చాపాటి మాట్లాడేవారు. నాకు అర్ధం అయ్యేది కాదు, తనకు రోజూ పోలీసులతో పని ఏమి ఉంటుందో.
ఒక సారి అడిగాను. సార్ మీకు తెలియని ఇన్స్పెక్టర్ లేడా? నవ్వుతూ విఠల్ సార్ అన్నారు. శరభయ్య, మనము ఊరిలో ఉంటాము, ఎవరు మంచి వారో, ఎవరు చెడ్డవారో తెలుస్తుంది. మరి కొత్తగా వచ్చే ఇనస్పెక్టర్ కి ఎలా తెలుస్తుంది? అందుకని నేను వాలంటీర్ గా పరిచయము పెంచుకొని వారికి ఊరిలో స్థితిగతులని తెలిపి వారి డ్యూటీ వారు సక్రమముగా నిర్వర్తించడానికి నా వంతు సహాయం నేను చేస్తాను. నిస్వార్ధ సేవకి నిలువెత్తు రూపం మా మాస్టారు. నాకు ఒక్క క్షణం గర్వము తో చాతి పొంగింది.
మొన్న సీఐ శ్రీనుని అడిగాను. మరి వినుకొండలో ఇలాంటి సార్లు నీకు హెల్ప్ చేస్తున్నారా అని. శ్రీను నవ్వి అన్నాడు. మామ నువ్వు మరీ సత్తె కాలంలో వున్నావు. ఇప్పుడు విఠల్ సార్ లాంటి వారు పోయారు. ఇప్పుడు చీటింగ్ సార్లు వచ్చారు. ప్రజలు ఒక సమస్య ని మా ముందుకు తెస్తే, దానిని సాల్వ్ చేసే లోపే చీటింగ్ సార్ వచ్చి, నేను పాలనా MLA మనిషిని, మీ ముందు వున్న సమస్యని పట్టించుకోవద్దు అని వార్నింగ్ ఇస్తారు. కొంత కాలం ఆలా నానాక, మన చీటింగ్ సార్ ప్రజల దగ్గరకి వెళ్లి, మరి ఇనస్పెక్టర్ కి కొంచెం చెయ్యి తడిపితే మన పని అవుతుంది అనిచెప్తాడు. ప్రజల దగ్గరనుండి వసూల్ చేసిన డబ్బుని చీటింగ్ సార్ స్వాహా చేస్తాడు. మరి విఠల్ మాస్టార్ లాంటి వారికి స్థానం లేదు కదా?
ఇదే తంతు మండల రెవిన్యూ ఆఫీస్ లో కూడా జరగడము పరిపాటి అయ్యింది. మరి ప్రతి MRO ఒక బినామీ ని పెట్టుకొని లంచావతారులవుతుంటే జనాలు ఏమి చేస్తున్నట్లు? చిన్నప్పుడు వేసిన "మంచులో రేగిన మంటలు" నాటికలో డైలాగ్ గుర్తుకొస్తుంది. "రోజులు మారాయి రంగన్న!!". గంట రావు బావ!, నీకు గుర్తు వుందా ఈ డైలాగ్? నువ్వు ఆ నాటిక డైరెక్టర్ వి ఆరోజుల్లో...
మన వూరిలో అలాంటి చీటింగ్ సార్లు ఇద్దరు ఉన్నారంట. వారిలో మార్పు కోసం మీలాగే నేను కూడా ఎదురు చూస్తున్నాను. ఆశాభంగం చెయ్యరని ఆశిద్దాము...
జై హింద్,
శరభయ్య పోలకం
Comments
Post a Comment