తెలుగుదేశం ప్రవేశపెట్టిన అవిశ్వాసం సెల్ఫ్ గోల్ కాదా? క్షేత్రస్థాయి కార్యకర్తల ప్రక్షాళన ఇకనైనా జరిగేనా???
ఈ అవిశ్వాసం విషయంలో మనం నేర్చుకొనే విషయాలు కొన్ని ఉన్నాయి. రాత్రి లోక్ సభలో అవిశ్వాసం మీద జరుగుతున్న చర్చను ఆసాంతం చూడటము జరిగింది. చాలా ముచ్చట వేసింది, ఇండియా నాయకుల పరిణితి చెందిన విధానము చూసి. నాకు నచ్చిన విషయాలు.- మొత్తం 12 గంటలు అవిరామంగా సభ జరగడం.
- విషయం వున్న వక్తలకి సమయం కేటాయింపు మరియు సమయ పాలన.
- తమ తమ పాయింట్ క్లియర్ గా, నిజంగా సుత్తి లేకుండా చెప్పడము. నాయకులు చేసిన హోమ్ వర్క్ చాలా బాగుంది.
- రాహుల్ గాంధీ గారి ఎటాక్ ని చూసి ఆయనలో ఒక పరిణితి చెందిన నేతను చూసాను.
- మోడీ గారు మొత్తం షో ని స్టీల్ చేశారు. మొత్తం సమయాన్ని తన ప్రభుత్వం సాధించిన విజయాల్ని ప్రజలకి మరియు సభ్యులకి చెప్పడములో విజయం సాధించారు అనుటలో సందేహము లేదు.
- మొత్తం మీద స్పీకర్ మేడం గారు హౌస్ ని ఆర్డెర్ లో పెట్టడము లో విజయం సాధించారు.
- టీడీపీ లో సరిఅయిన మాట్లాడే సభ్యుడు లేడు అని తేటతెల్లం. సెల్ఫ్ గోల్, నో డౌట్...
- 2014 లో ఇచ్చిన మాట ఎందుకు నెరవేర్చడము లేదు అనే మాటే గాని, ఈ నాలుగు సంవత్సరాలలో కేంద్రం ఎంత ఇచ్చింది ఇంకా ఎంత ఇవ్వాలి అన్న మాటే లేదు.
- ఆర్డర్ లో వున్న సభని స్లోగన్ ఇచ్చి గందరగోళం సృష్టించి మన తెలుగు వాళ్ళ పరువు మల్లి పార్లమెంట్ సాక్షిగా పలచన చేశారు.
- చంద్రబాబు ఫెయిల్యూర్ మోడీ నోటి నుండి వినబడింది. ఇప్పటి వరకు సందేహం వున్న తెలుగు ప్రజలకి చంద్రబాబు మీద వున్న ఆకాస్త నమ్మకము కూడా పోయింది.
- చంద్రబాబు కి వైసీపీ అంటే భయం అన్న పవన్ కళ్యాణ్ మాట నిజం అని మోడీ గారు చెప్పకనే చెప్పారు.
- నైతికంగా సాక్ష్యాత్తు దేశ ప్రధాని తో అక్షింతలు వేయించుకున్న చంద్రబాబు గారు గౌరవంగా పదవికి రాజీనామా చేసి మళ్ళీ ఎన్నికలకి వెళ్ళడము.
- అఖిలపక్షం సమావేశాన్ని ఏర్పాటు చేసి అన్ని పార్టీలని కలిపి అసలు మనకు స్పెషల్ స్టేటస్ అవసరమా కాదా అని తేల్చడము.
- భవిష్యత్ లో తమ మాట మాత్రమే వినేవాళ్ళని కాకుండ, చదువు మరియు తెలివితేటలు వున్నవాళ్లను చట్ట సభలకి పంపించడము.
- ఇప్పుడు వున్న క్షేత్రస్థాయి కార్యకర్తలని ప్రక్షాళన చెయ్యడము. నిజమైన ప్రజల నాయకులని ప్రోత్సహించడము.
జైహింద్
శరభయ్య పోలకం
Comments
Post a Comment